Tajriba almashish, yangidan yangi reja va loyihalar bilan tanishish kishiga motivatsiya beradi. Kelgusi ishlarida ana shunday g‘oyalardan ulgi oladi. Tajriba oshirishni an’anaga aylantirish ijobiy natijalarga debocha bo‘lishi shubhasiz.
Ayni shu maqsadda Sherobod tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari U.Panjiyev hokim yordamchilari va bir guruh tadbirkorlar bilan birgalikda Farg‘ona va Andijon viloyatlarida bo‘lib, mahallabay ishlash borasida hunarmandchilik markazi shuningdek, tadbirkorlik subyektlarida ishlab chiqarish jarayonlari bilan yaqindan tanishdilar.
Mehmonlarning Farg‘ona viloyati Marg‘ilon tumanidagi hunarmandchilik markazi, Rishton tumanidagi sopol ishlab chiqarish sexi va muzeylardagi taassurotlari bir olam bo‘lgan bo‘lsa, Andijon shahridagi “DIROMM JEANS” jinsi shim ishlab chiqarish korxonasi yangi va istiqbolli loyihalarga zamin yaratsa, ajab emas.
S.Allayeva
