Futbol millionlar o‘yini deyishadi. Haqiqatan ham futbol sport turning muxlislari, ishqibozlari yer sharida millionlab, milliardlab topiladi. Uni kuzatish ham, stadionga tushib to‘p surish, raqiblarni ortda qoldirib, uddaburonlik va tezkorlik bilan darvozasiga gol urish ham qiziq jarayon.
Aynan shuning uchun ham futbol o‘ynashni yoki futbol o‘yinlarini kuzatib borishni kanda qilmaymiz. Sherobod tumanida Davlat xavfsizlik xizmati raisi kubogi uchun sportning futbol turi bo‘yicha o‘tkazilgan musobaqaning viloyat hududiy saralash bosqichi futbolchi-yu, musobqani tomosha qilishga kirishgan muxlislar uchun ham birdek qizg‘in kechdi.
Tuman sport maktabi futbol maydonida boshlangan futbol o‘yinlari musobaqasida viloyatning Bandixon, Boysun, Qiziriq hamda Sherobod tumanlaridan g‘olib bo‘lgan mahallalarning shunqor yosh yigitlaridan tuzilgan jamoalar o‘z mahoratlarini namoyish etishdi. Yakuni natijalariga ko‘ra Sherobod tumani “Yoshlik” mahallasi yoshlari faxrli birinchi o‘rinni qo‘lga kiritib, viloyat bosqichiga ishtirok etish uchun yo‘llanmani qo‘lga kiritdi.
Hilol
