Kuz-qish mavsumida aholi xavfsizligini ta’minlash, xonadonlar farovonligini oshirish va daromad manbalarini kengaytirish masalalari Surxondaryo viloyati hokimi Ulug‘bek Qosimovning Angor tumaniga tashrifi davomida muhokama qilindi.
Dastlab, mavsumda is gazidan zaharlanish, yong‘in va gaz bilan bog‘liq baxtsiz hodisalarning oldini olish, profilaktika ishlarini kuchaytirish yuzasidan mas’ullar ishtirokida yig‘ilish o‘tkazildi. Aholi xavfsizligini ta’minlash va yuzaga kelishi mumkin bo‘lgan noxush holatlarning oldini olish bo‘yicha vazifalar belgilandi.
Shundan so‘ng, viloyat hokimi fuqarolar bilan uchrashib, tumanda kambag‘allikni qisqartirish, aholi bandligini ta’minlash va daromadlarini oshirish masalalarini muhokama qildi. Mavjud muammolar o‘rganilib, ularning yechimi yuzasidan fikr almashildi.
