Xitoyning Anhuy provinsiyasi markazi Xefey shahrida tadbirkor ayollar assotsiatsiyasi va yirik biznes vakillari hamkorligida xalqaro biznes-forum bo‘lib o‘tdi.
Unda Surxondaryo viloyati delegatsiyasi ham ishtirok etib, hududning iqtisodiy imkoniyatlari, investitsiya salohiyati va istiqbolli loyihalarini taqdim etdi.
Viloyat hokimligi kotibiyat mudiri Botir Safarbuvayev Surxondaryoda investitsiyalar uchun mavjud imkoniyatlar va xorijiy sarmoyadorlar bilan hamkorlikning ustuvor yo‘nalishlari haqida ma’lumot berdi.
Tashrif doirasida Xitoyning yirik kompaniyalari bilan uchrashuvlar o‘tkazish, yangi investitsiyaviy loyihalarni ishlab chiqish hamda ta’lim sohasida tajriba almashish masalalariga ham e’tibor qaratilmoqda.
Xalqaro muloqot Surxondaryoning iqtisodiy salohiyatini xorijiy ishbilarmonlarga tanitish, yangi hamkorlarni jalb etish va o‘zaro manfaatli loyihalarni amalga oshirish uchun imkoniyat yaratadi.
Ayni paytda viloyat delegatsiyasi Anhuy provinsiyasida bo‘lib turibdi.
