An’anaviy karate-do bo‘yicha O‘zbekiston kubogida Sariosiyo tumani “Kelajak” markazi tarbiyalanuvchilari yuqori natija ko‘rsatib, jami 47 ta medalni qo‘lga kiritdi.
Yetti hududdan 340 nafardan ortiq sportchi qatnashgan musobaqada sariosiyolik yosh karatechilar 30 ta oltin, 10 ta kumush va 7 ta bronza medaliga sazovor bo‘ldi.
Quvonarlisi, markaz to‘garak rahbarlari Muhammadjon Nusratullayev va Fazliddin Mirzamurov ham musobaqa sovrindorlari qatoridan joy oldi.
Bu natija “Kelajak” markazida karate-do mashg‘ulotlari samarali yo‘lga qo‘yilgani va sportchilarning musobaqalarga puxta tayyorgarlik ko‘rayotganini namoyon etadi.
