Ayrim maktablarda ingliz tilida ta’lim beriladi

Date:

Ayrim maktablarda fanlarni ingliz tilida o‘qitish tajribasini yo‘lga qo‘yish taklif qilindi. Bu haqda Prezident Shavkat Mirziyoyevga ta’lim tizimini rivojlantirish bo‘yicha taqdimotda ma’lum qilindi.

Taqdimotda maktab darsliklarini yangilash, o‘quvchilarning bilim va amaliy ko‘nikmalarini rivojlantirish, baholash tizimini takomillashtirish hamda pedagoglarga metodik yordam ko‘rsatishda sun’iy intellekt imkoniyatlaridan foydalanish masalalari ko‘rib chiqildi.

Kasbiy ta’limda yoshlarning qiziqishlarini erta aniqlash, texnikumlar dasturlarini mehnat bozori talablariga moslashtirish, korxonalar bilan hamkorlikda dual ta’limni kengaytirish va ta’lim muassasalarining moddiy bazasini mustahkamlash vazifalari belgilandi.

Oliy ta’limda universitetlar mustaqilligini kengaytirish, ta’limni ishlab chiqarish bilan yaqinlashtirish va talabalarining amaliy tayyorgarligini kuchaytirish taklif etildi. Ilm-fanda esa universitetlar, laboratoriyalar va korxonalar hamkorligini rivojlantirish, ilmiy ishlanmalarni amaliyotga joriy etish hamda ular asosida yangi mahsulotlar yaratishga e’tibor qaratildi.

Prezident ta’limning barcha bosqichlarini yagona tizim sifatida rivojlantirish, ayniqsa maktab va oliy ta’lim o‘rtasidagi uzviylikni mustahkamlash zarurligini ta’kidladi. Mutasaddilarga bildirilgan takliflarni puxta ishlab chiqish topshirildi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

TISU xalqaro reytingda 4 yulduzga sazovor bo‘ldi

Surxondaryo viloyatida oliy ta’lim sifatini oshirish va ta’lim muassasalarining...

«Mardlar maydoni»: xalqaro kurash turnirida surxonlik polvonlar peshqadam

Termiz shahrida buyuk alloma Hakim Termiziy tavalludining 1200 yilligiga...

Mo‘g‘ulistondan 400 bosh qo‘y keltirildi

Oltinsoy tumanida chorvachilikni rivojlantirish, naslchilik yo‘nalishini kengaytirish va go‘sht...

189 ballik natija

Termiz davlat universiteti Akademik litseyi o‘quvchilari Jaxongir Boysoatov va...
KunTun
KunTun