Qumqo‘rg‘on tumanining Bog‘aro mahallasi, Sodatman ko‘chasida yashovchi 10 nafar fuqaroning yillar davomida hal etilmay kelgan kadastr masalasi ijobiy yechim topdi.
Fuqarolar tuman hokimi qabulida uy-joylarini kadastr hujjatlariga rasmiylashtirish masalasida murojaat qilgan edi. Murojaat nazoratga olinib, mas’ullardan iborat ishchi guruh tomonidan atroflicha o‘rganildi.
Aniqlanishicha, mazkur fuqarolarga Vazirlar Mahkamasining 2018-yil 12-apreldagi 285-son qarori asosida imtiyozli tartibda uy-joylar ajratilgan bo‘lsa-da, ularning kadastr hujjatlarini rasmiylashtirish masalasi ochiq qolgan.
Ko‘rilgan amaliy choralar natijasida hujjatlar rasmiylashtirildi. Tuman hokimi Farrux Xoliqov mahallaga tashrif buyurib, 10 ta xonadon egalariga kadastr hujjatlarini topshirdi.
Natijada fuqarolar uzoq vaqtdan beri kutgan hujjatlariga ega bo‘ldi. Bu murojaatlarni o‘rganish va ularni amaliy natija bilan hal etishning muhim namunasidir.
