1-oktyabr — O‘qituvchi va murabbiylar kuni munosabati bilan Termiz davlat universiteti jamoasi uchun bayram tadbirlari tashkil etildi.Universitet jamoasi uchun “Versal” tantanalar saroyi, “Kazan” va “Lazzat” kafelarida o‘tkazilgan tadbirlarda professor-o‘qituvchilar hamda barcha xodimlar ishtirok etdi.
Tadbirda universitet rektori A. Toshqulov ustoz va murabbiylarni bayram bilan samimiy muborakbod etib, TerDU jamoasining so‘nggi yillarda erishayotgan yutuqlarida fidoyi ustozlarning bilim, tajriba va mehnati muhim o‘rin tutishini ta’kidladi.
Bayram dasturidan kuy-qo‘shiqlar, badiiy chiqishlar va ijodiy namoyishlar o‘rin oldi. Shuningdek, universitetning professor-o‘qituvchilari, xo‘jalik va texnik xodimlari munosib mehnati uchun bir martalik pul mukofotlari bilan rag‘batlantirildi.
Ustoz va murabbiylarga bo‘lgan samimiy ehtirom, minnatdorlik va faxr tuyg‘ulariga boy ushbu kun TerDU jamoasi uchun unutilmas bayramga aylandi.
