Ta’lim sohasida samarali mehnat qilayotgan, o‘zining bilim va tajribasi bilan yosh avlod tarbiyasiga munosib hissa qo‘shayotgan pedagoglarning fidokorona faoliyati e’tirof etildi.
Surxondaryo viloyati Maktabgacha va maktab ta’limi boshqarmasi tomonidan tashkil etilgan tadbirda boshqarma boshlig‘i Bekzod Tashpulatov so‘zga chiqib, ustoz va murabbiylarni kasb bayrami bilan samimiy muborakbod etdi hamda ularning mehnatiga minnatdorlik bildirdi.
Tantanali tadbirda 9 nafar pedagogga “Xalq ta’limi fidoyisi”, 41 nafar pedagogga esa “Xalq ta’limi a’lochisi” ko‘krak nishonlari topshirildi.
Maktabgacha va maktab ta’limi vazirligi tomonidan taqdim etilgan mazkur tarmoq mukofotlari pedagoglarning ko‘p yillik fidokorona mehnati va ta’lim rivojiga qo‘shayotgan munosib hissining e’tirofi bo‘ldi.
