Termiz shahrida 1-oktyabr — O‘qituvchi va murabbiylar kuni munosabati bilan xalqaro toifadagi hakam, oliy toifali trener Alisher Alimov sovrini uchun respublika turniriga start berildi.
Turnirning ochilish marosimida uzoq yillar sport sohasida faoliyat yuritib, yosh sportchilarni tarbiyalashga hissa qo‘shib kelayotgan Alisher Alimovning xizmatlari e’tirof etildi. Ustozga hurmat ramzi sifatida zarrin to‘n kiydirildi.
Respublikaning turli hududlaridan kelgan o‘smir o‘g‘il-qizlar ishtirok etayotgan musobaqada bellashuvlar 20 ta vazn toifasida davom etmoqda.
Ustoz nomidagi turnir yosh sportchilar uchun nafaqat kuch va mahorat, balki tajriba va mahoratni sinovdan o‘tkazish maydoniga aylandi.
Musobaqalar 24-sentabrga qadar davom etadi.
