Termiz shahrining Bog‘ishamol mahallasidagi ko‘p qavatli uylarda yashovchi aholiga xonadon va mol-mulk xavfsizligini ta’minlash bo‘yicha amaliy tavsiyalar berildi.
Surxondaryo viloyati IIB huzuridagi Qo‘riqlash xizmati xodimlari bilan uchrashuvda fuqarolarga zamonaviy signalizatsiya vositalari, markazlashtirilgan qo‘riqlov tizimi va unga ulanish tartibi haqida tushuntirildi. Shuningdek, xavf yuzaga kelganda tezkor harakatlanuvchi guruhlarning imkoniyatlari haqida ma’lumot berildi.
Profilaktik uchrashuvda asosiy e’tibor mol-mulkni tajovuzlardan himoya qilishda ehtiyotkorlikni kuchaytirish va xavfsizlik choralarini oldindan ko‘rishga qaratildi. Bunday tadbirlar aholining hushyorligini oshirish va xonadonlar xavfsizligini ta’minlashga qaratilgan amaliy ishlarning bir qismi sifatida davom ettirilmoqda.
