Yangi o‘quv yilini puxta tayyorgarlik bilan kutib olish, o‘quvchilar uchun xavfsiz va zamonaviy ta’lim muhitini yaratish ta’lim sifatini oshirishning muhim shartidir. Shu maqsadda Jarqo‘rg‘on tumanidagi umumiy o‘rta ta’lim maktablarida o‘rganish ishlari olib borildi.
Tuman prokurori Komil To‘raqulov hamda Maktabgacha va maktab ta’limi bo‘limi boshlig‘i Chorshanbi Jumayev maktablarning 2026–2027-o‘quv yiliga tayyorgarlik holatini ko‘zdan kechirib, ta’mirlash va obodonlashtirish ishlari, sinf xonalari, moddiy-texnik baza hamda sanitariya-gigiyena talablariga rioya etilishi bilan tanishdi.
O‘rganish yakunida aniqlangan kamchiliklarni qisqa muddatlarda bartaraf etish, belgilangan ishlarni sifatli yakunlash bo‘yicha mas’ullarga tegishli topshiriq va tavsiyalar berildi.
