Mahalla tizimi aholi muammolarini joyida hal etish, ijtimoiy barqarorlikni ta’minlash va davlat-halq muloqotini mustahkamlashda muhim o‘rin tutadi. Shu bois “Mahalla yettiligi” faoliyatining samaradorligini oshirish doimiy e’tibordagi masalalardan biri hisoblanadi.
Xalq deputatlari Jarqo‘rg‘on tuman Kengashi deputati X.Xaitov hamda Kengash kotibiyati bosh mutaxassisi T.Radjabov “Paxtazavod” mahallasida bo‘lib, Prezidentimiz tomonidan ilgari surilgan 24 ta tavsiya asosida “Mahalla yettiligi” faoliyatini o‘rgandilar.
O‘rganish davomida “yettilik” a’zolarining o‘zaro hamkorligi, mas’uliyat yo‘nalishlari bo‘yicha amalga oshirilgan ishlar hamda aholi murojaatlari bilan ishlash holati tahlil qilinib, faoliyat samaradorligini yanada oshirish yuzasidan tegishli tavsiyalar berildi.
