Hayvonlar salomatligini muhofaza qilish, yuqumli kasalliklar tarqalishining oldini olish hamda veterinariya nazoratini kuchaytirish maqsadida O‘zbekistonda uy hayvonlarini majburiy ro‘yxatdan o‘tkazish tartibi joriy etilmoqda.
7-avgustdan boshlab it, mushuk, sigir, qo‘y, echki, tuya, ot va cho‘chqalar veterinariya pasporti asosida belgilangan muddatlarda ro‘yxatdan o‘tkazilishi shart. Jumladan, qoramol, qo‘y, echki va tuyalar tug‘ilgandan keyin 14 kun ichida, otlar 4 oygacha, cho‘chqalar 30 kun ichida, it va mushuklar esa 3 oygacha ro‘yxatga olinishi lozim.
Mutaxassislar hayvon egalariga hujjatlarni oldindan rasmiylashtirishni tavsiya etmoqda. Belgilangan talablarni bajarmaslik qonunchilikda belgilangan tartibda javobgarlikka sabab bo‘lishi mumkin.
