Surxondaryoning turizm salohiyatini xalqaro bozorda keng targ‘ib etish va xorijiy sayyohlar oqimini oshirish maqsadida Yaponiyaning yetakchi turoperatorlari viloyatga tashrif buyurdi.
Delegatsiya Termizdagi Al-Hakim at-Termiziy majmuasi, Fayoztepa, Qoratepa va Zurmala stupasi kabi tarixiy obidalar bilan tanishib, hududning boy madaniy merosi va turistik imkoniyatlarini o‘rganmoqda.
Uch kunlik tashrif davomida mehmonlar Denov, Sariosiyo va Boysun tumanlaridagi sayyohlik maskanlarini ham ko‘zdan kechiradi. Mazkur tashrif Surxondaryoning xalqaro turizm yo‘nalishidagi jozibadorligini oshirish va Yaponiya bilan turizm sohasidagi hamkorlikni mustahkamlashga xizmat qilishi kutilmoqda.
