Oltinsoy tuman “Kelajak” markazi tashabbusi bilan “Vaxshivor” sog‘lomlashtirish oromgohida “Mohir qo‘llar – kasb-hunar kuni” tadbiri ko‘tarinki ruhda tashkil etildi.
Tadbir davomida bolajonlar robototexnika, bichish-tikish, shifokorlik va boshqa kasblar bilan yaqindan tanishib, o‘z qiziqish va iste’dodlarini namoyon etdilar. “Kasblar festivali” hamda “Men sevgan to‘garak” loyihalari orqali ular zamonaviy kasblar olamiga qiziqarli sayohat qildilar.
Bunday tadbirlar yoshlarning kasb tanlashga bo‘lgan qiziqishini oshirish, kelajak kasblari haqida tasavvurini kengaytirish va amaliy ko‘nikmalarini rivojlantirishda muhim ahamiyat kasb etadi.
Tadbir yakunida faol ishtirok etgan bolajonlar esdalik sovg‘alar bilan taqdirlandilar. Yozgi ta’til esa ular uchun nafaqat maroqli hordiq, balki yangi bilim va yutuqlar sari muhim imkoniyat bo‘lib xizmat qilmoqda.
