O‘zbekistonda oliy ta’lim muassasalarining bitiruvchi bosqich talabalari bandligini ta’minlash maqsadida “Mening birinchi kasbim” dasturi joriy etiladi.
Dastur doirasida OTM, ish beruvchi va talaba o‘rtasida uch tomonlama shartnoma tuzilib, amaliyot o‘tayotgan talabalarga har oy 2 million 60 ming so‘mgacha qo‘shimcha stipendiya to‘lanadi.
Shuningdek, istiqbolli startap loyihalarini qo‘llab-quvvatlash, talabalarni xorijiy ta’lim muassasalari va korxonalarda qisqa muddatli o‘qitish uchun ham mablag‘ ajratiladi. Dastur yoshlarning kasbiy tajriba orttirishi, tadbirkorlik tashabbuslarini rag‘batlantirishi hamda yangi ish o‘rinlari yaratishga xizmat qiladi.
