Samarqand shahrida o‘tkazilgan “Eco Expo Central Asia 2026” xalqaro ekologik texnologiyalar ko‘rgazmasida Surxondaryo viloyati Ekologiya va iqlim o‘zgarishi bosh boshqarmasi pavilyoni “Eng yaxshi dizayn” nominatsiyasi bilan taqdirlandi.
Ko‘rgazmada viloyatda ekologik barqarorlikni ta’minlash, bioxilma-xillikni asrash, “Yashil makon” loyihasi doirasida amalga oshirilayotgan ishlar hamda chiqindilarni boshqarish sohasidagi ilg‘or tashabbuslar namoyish etildi.
Mazkur yutuq Surxondaryoda ekologiyani muhofaza qilish, yashil texnologiyalarni joriy etish va xalqaro hamkorlikni kengaytirish borasida olib borilayotgan tizimli ishlarning e’tirofi bo‘ldi. Ko‘rgazma davomida xorijiy hamkorlar bilan istiqbolli loyihalar yuzasidan kelishuvlarga ham erishildi.
