Angor tumanida o‘quvchilarning yozgi ta’tilini mazmunli tashkil etish, ularning sog‘lom hordiq chiqarishi hamda bo‘sh vaqtini samarali o‘tkazishini ta’minlash maqsadida 7 ta umumta’lim maktabi qoshida kunduzgi sog‘lomlashtirish oromgohlari faoliyati yo‘lga qo‘yildi.
3-iyun sanasidan ish boshlagan oromgohlarda bugungi kunda 600 nafar o‘quvchi dam olib, turli madaniy-ma’rifiy, sport va ko‘ngilochar tadbirlarda ishtirok etmoqda. Bu esa yosh avlodning jismoniy va ma’naviy kamolotini qo‘llab-quvvatlashda muhim ahamiyat kasb etmoqda.
