Prezident farmoniga ko‘ra, ilmiy daraja olish tizimi yanada soddalashtiriladi va byurokratik to‘siqlar qisqartiriladi. Oliy attestatsiya komissiyasi Fanlar akademiyasi tizimiga o‘tkazilib, ilmiy faoliyatni qo‘llab-quvvatlashning yangi mexanizmlari joriy etiladi.
Shuningdek, 2026-yildan ustuvor yo‘nalishlarga qabul qilingan doktorantlarga 1,7 baravar oshirilgan stipendiya to‘lanadi. 2027-yildan esa ilmiy daraja olishda chet tilidan imtihon topshirish talabi doktorantlar uchun bekor qilinib, faqat mustaqil izlanuvchilarga tatbiq etiladi.
Mazkur o‘zgarishlar yosh olimlarni qo‘llab-quvvatlash, ilmiy izlanishlar samaradorligini oshirish va mamlakat ilm-fan salohiyatini yuksaltirishga xizmat qiladi.
