Mamlakatimizda maktabgacha ta’lim tizimini rivojlantirish, bolajonlar uchun zamonaviy va qulay ta’lim muhitini yaratishga alohida e’tibor qaratilmoqda. Ayniqsa, hududlarda yangi maktabgacha ta’lim tashkilotlarining foydalanishga topshirilishi yosh avlodning sifatli tarbiya va ta’lim olishi uchun muhim omil bo‘lib xizmat qilmoqda.
Oltinsoy tumanida 21-sonli maktabgacha ta’lim tashkilotining ochilish marosimi bo‘lib o‘tdi. Tadbirda tuman hokimi Otabek Mavlyanov, soha mas’ullari, nuroniylar, ota-onalar hamda keng jamoatchilik vakillari ishtirok etdi.
Marosim davomida mehmonlar bolajonlar uchun yaratilgan zamonaviy sharoitlar, qulay o‘quv va tarbiyaviy muhit bilan yaqindan tanishdilar. Ta’kidlanganidek, yangi MTTning ishga tushirilishi hududda maktabgacha ta’lim qamrovini kengaytirish, bolalarning intellektual va ma’naviy rivojlanishi uchun mustahkam zamin yaratishda muhim ahamiyat kasb etadi.
