Termiz davlat universiteti o‘qituvchisi Farxod Nazarov Rossiya Federatsiyasida o‘tkazilgan “Orden kompozitorov” xalqaro tanlovida muvaffaqiyatli ishtirok etib, faxrli III o‘rinni qo‘lga kiritdi.
Tanlov M.P. Mussorgskiy nomidagi Ural davlat konservatoriyasida bo‘lib o‘tdi. Farxod Nazarov kamer cholg‘u musiqasi yo‘nalishida fortepiano uchun yaratgan pyesasi bilan qatnashib, o‘zining yuksak ijodiy mahorati va professional salohiyatini namoyon etdi.
Mazkur yutuq nafaqat san’atkorning mehnati va iste’dodi, balki milliy musiqa maktabining xalqaro maydondagi nufuzini yana bir bor namoyish etgani bilan ahamiyatlidir.
