“Boysun bahori” turizm kompleksi hududida milliy kurash bo‘yicha qizg‘in musobaqalar davom etmoqda. Hozir yengil vazn toifasida saralash va yarim final bahslari o‘tkazilib, final yo‘llanmalari uchun keskin raqobat kuzatilmoqda.
Bellashuvlarda polvonlar o‘zining mahorati, chidamliligi va mardligini namoyon etib, halollik va oriyat tamoyillarini ustuvor qilmoqda. Tomoshabinlar uchun esa ushbu bahslar katta qiziqish uyg‘otmoqda.
Musobaqa yakunida eng kuchli sportchilar aniqlanib, sovrinli o‘rinlar uchun finalda kurash olib boradi. Bu kabi bellashuvlar milliy sport an’analarini rivojlantirish va yoshlar orasida sog‘lom raqobat ruhini kuchaytirishda muhim ahamiyat kasb etadi.
