Termiz davlat universitetida oliy ta’lim muassasalari talabalari o‘rtasida “Munozara” intellektual o‘yinining hududiy bosqichi o‘tkazildi. Unda viloyatdagi OTMlardan kelgan iqtidorli yoshlar turli mavzular yuzasidan o‘z fikrlarini asoslab, bahs-munozaralarda faol ishtirok etdi.
Yakuniy natijalarga ko‘ra, 1-o‘rinni Termiz davlat universiteti, 2-o‘rinni Toshkent tibbiyot universiteti Termiz filiali, 3-o‘rinni Termiz iqtisodiyot va servis universiteti jamoalari qo‘lga kiritdi.
Mazkur intellektual o‘yin yoshlarning tanqidiy fikrlashini rivojlantirish, nutq madaniyatini oshirish hamda ularni erkin fikr bildirishga undashi bilan muhim ahamiyat kasb etadi.
