“Boysun bahori” xalqaro folklor festivali doirasidagi ko‘rik-tanlov qizg‘in davom etmoqda. Unda O‘zbekistonning yetakchi folklor jamoalari bilan bir qatorda Buyuk Britaniya, Indoneziya, Vengriya, Slovakiya, Gretsiya, Yaponiya, Ozarbayjon, Qirg‘iziston va Qozog‘istondan tashrif buyurgan ijodiy guruhlar ham ishtirok etmoqda.
Kunning ikkinchi yarmida Pokiston, Belgiya, Angliya va Belorussiya jamoalari o‘z chiqishlarini namoyish etdi. Ularning ijrochilik mahorati xalqaro darajadagi hakamlar hay’ati tomonidan baholanmoqda.
Mazkur festival milliy an’ana va qadriyatlarni asrab-avaylash, ularni dunyoga keng targ‘ib etish, shuningdek, turli xalqlar o‘rtasida madaniy aloqalarni mustahkamlashda muhim ahamiyat kasb etadi. Festival yakunida g‘olib va sovrindorlar tantanali ravishda taqdirlanadi.
