Hududlarda investitsiya loyihalarining samarali amalga oshirilishi iqtisodiy o‘sish va yangi ish o‘rinlari yaratilishining muhim omillaridan biridir. Shu nuqtai nazardan, O‘zbekiston Respublikasi Prezidentining 2025-yil 8-oktyabrdagi PQ-298-son qarori ijrosini ta’minlash maqsadida Muzrabot tumanida amalga oshirilayotgan loyihalar o‘rganildi.
O‘rganish jarayonida O‘zbekiston Respublikasi Prezidenti huzuridagi Boshqaruv samaradorligi agentligining Surxondaryo viloyati filiali vakillari hamda Muzrabot tumani hokimi A. Mamatqulov ishtirok etdi. Unda loyihalarning bajarilish sur’atlari, moliyalashtirish holati va iqtisodiy samaradorligi atroflicha tahlil qilindi.
Ma’lumotlarga ko‘ra, ayrim loyihalar hozirda faol bosqichda bo‘lib, yaqin kelajakda foydalanishga topshirilishi rejalashtirilmoqda. Shu bilan birga, aniqlangan muammolar joyida ko‘rib chiqilib, ularni bartaraf etish bo‘yicha aniq choralar belgilandi.
Mazkur tashabbus hudud iqtisodiyotini rivojlantirish, aholi bandligini oshirish va yangi ish o‘rinlari yaratishda muhim ahamiyat kasb etadi.
Investitsiya loyihalarini doimiy nazorat qilish va samaradorligini oshirish hududlarning barqaror rivojlanishiga xizmat qiladi hamda aholining turmush darajasini yaxshilashga zamin yaratadi.
