Termiz tumanida aholi xavfsizligini ta’minlash va favqulodda vaziyatlarning oldini olish tizimini kuchaytirish maqsadida muhim amaliy qadam qo‘yildi. Tuman hokimi — fuqaro muhofazasi boshlig‘i Shuxrat Qalandarov tomonidan Favqulodda vaziyatlar bo‘limi xodimlariga zamonaviy kompyuter jihozlari topshirildi.
Mazkur tashabbus Prezidentning 2025-yil 20-oktabrdagi PQ-310-son qarori ijrosi doirasida amalga oshirilib, mahallalarga biriktirilgan inspektorlarning moddiy-texnik bazasini mustahkamlashga xizmat qiladi.
Yangi texnika inspektorlarning ish samaradorligini oshirib, xavfli holatlarni erta aniqlash, profilaktika ishlarini tizimli yo‘lga qo‘yish hamda favqulodda vaziyatlarda tezkor chora ko‘rish imkoniyatlarini kengaytiradi.
