Termiz shahrida “Mirzo Ulug‘bek vorislari” respublika tanlovining Surxondaryo viloyati bosqichi yuqori saviyada o‘tkazildi. Ushbu tanlov iqtidorli yoshlarni aniqlash, ularni qo‘llab-quvvatlash hamda ilm-fan, innovatsiya va tafakkur sohasida yangi iste’dodlarni kashf etishda muhim ahamiyat kasb etmoqda.
Tanlov yakunlariga ko‘ra, eng yuqori natija qayd etgan 20 nafar ishtirokchi respublika bosqichiga yo‘llanma oldi. Shuningdek, bir qator faol yoshlar ham alohida e’tirof etildi.
Bugungi kunda bunday tanlov va tadbirlar yoshlarning nafaqat bilim va salohiyatini namoyon etishiga, balki ularni har tomonlama rivojlantirib, kelajakda yurt taraqqiyotiga hissa qo‘shadigan yetuk mutaxassislar sifatida shakllanishiga xizmat qilmoqda.
