Surxon vohasining quyoshli iqlimi va unumdor tuprog‘i qishloq xo‘jaligi mahsulotlarining erta pishib yetilishiga zamin yaratmoqda. Ayni kunlarda Termiz tumanida o‘rik hosilini yig‘ib-terib olish ishlari jadal davom etib, mahsulotlar ichki bozor bilan bir qatorda eksportga ham yo‘naltirilmoqda.
Xususan, Yangiobod mahallasidagi “Ikromjon–Akmaljon Tursunboyevlar” fermer xo‘jaligining 6,4 gektarlik bog‘ida yetishtirilgan o‘riklar saralanib, sifat talablariga muvofiq tayyorlanmoqda va bozorlarga yetkazilmoqda.
Barvaqt pishgan hosil nafaqat bozorlarni to‘ldirish, balki eksport hajmini oshirish orqali hudud iqtisodiyoti va daromadlarini ko‘paytirishda muhim ahamiyat kasb etmoqda.
