Termiz davlat universiteti huzurida tashkil etilayotgan “O‘simliklarni mikroklonal ko‘paytirish” laboratoriyasi faoliyatini yo‘lga qo‘yish maqsadida universitet professor-o‘qituvchilari stajirovka o‘tamoqda.
Xususan, Zoologiya kafedrasi dotsenti Abdulazizova Shoira hamda 1-bosqich tayanch doktoranti Ximmatov Navruz “Buxara Varnet” MCHJga qarashli in vitro laboratoriyasida o‘simliklarni in vitro usulida yetishtirish va sifatli ko‘chatlar tayyorlash bo‘yicha amaliy ko‘nikmalarini oshirmoqda.
Mazkur stajirovka TerDUda ilm-fan va innovatsion texnologiyalarni rivojlantirish, ilmiy salohiyatni mustahkamlashga xizmat qiladi.
