Oltinsoy tumanidagi “Mingchinor” mahallasida tadbirkor Akrom Turdiyev barpo etayotgan issiqxona limon yetishtirishga mo‘ljallangan. Loyiha to‘la quvvat bilan ishga tushgach, doimiy 60 va mavsumiy 60 nafar mahalliy aholi ish bilan ta’minlanadi.
Hozirgi kunda limon ko‘chatlari qadalgan, hosil yetguncha esa oraliqlarda kartoshka va bodring yetishtirilmoqda. Issiqxonada ish jarayoni doimiy va samarali kechayotgani tadbirkorning rejalari va ishbilarmonligini ko‘rsatadi.
Loyihaning barpo etilishi mahalliy aholi bandligini oshiradi va mehnat samaradorligini kuchaytiradi.
