Surxondaryo viloyati hokimi Ulug‘bek Qosimov Denov tumanida amalga oshirilayotgan loyihalar ijrosi bilan tanishdi. “Lolazor” mahallasida “Denov gulchilik va ko‘chatchilik maktabi”ni tashkil etish loyihasi taqdim etilib, maktab uchun maqbul yer maydonini tanlash, auksion savdolariga chiqarish va qurilish ishlarini tez fursatda boshlash bo‘yicha topshiriqlar berildi.
Shuningdek, Qizilsuv daryosi bo‘yidagi bo‘sh maydonlarni mustahkamlash, hududda tadbirkorlik loyihalarini yo‘lga qo‘yish, foydalanishga topshirilgan obyektlar faoliyatini boshlash hamda “Zarafshon” mahallasida “Texno park” sanoat zonasini barpo etish masalalari ko‘rib chiqildi.
Loyihalarni o‘z vaqtida va sifatli amalga oshirish, startap tashabbuslarni qo‘llab-quvvatlash hamda tadbirkorlikni rivojlantirish yuzasidan aniq vazifalar belgilandi.
