Salomatlik yo‘lida muhim qadam

Date:

Mamlakatimizda aholining sog‘lig‘ini muhofaza qilish, tibbiy xizmatlar sifati va samaradorligini oshirish hamda ijtimoiy himoyaga muhtoj qatlamlarni qo‘llab-quvvatlash davlat siyosatining ustuvor yo‘nalishlaridan biridir. Shu maqsadda joylarda profilaktik tadbirlar izchil amalga oshirilmoqda.

“Ijtimoiy profilaktika haftaligi” doirasida Sariosiyo tumanidagi Afrosiyob va Mirzo Ulug‘bek mahallalarida ijtimoiy ko‘makka muhtoj, nogiron hamda yoshi katta fuqarolar uchun chuqurlashtirilgan bepul tibbiy ko‘rik tashkil etildi. Tadbirda malakali mutaxassislar — endokrinolog, kardiolog, ginekolog, stomatolog, onkolog, nevropatolog, dermatolog, xirurg, travmatolog, pediatr va terapevtlar tomonidan 405 nafar fuqaro to‘liq tibbiy ko‘rikdan o‘tkazildi.

Tibbiy tekshiruvlar natijasida 217 nafar fuqaroda turli xil kasalliklar aniqlanib, ularning 13 nafari viloyat tibbiyot markazida, 39 nafari tuman tibbiyot birlashmasida statsionar davolanishga, 165 nafari esa ambulator sharoitda davolanishga yo‘naltirildi.

Shuningdek, mahallalarda ijtimoiy himoyaga muhtoj, nogiron va yoshi katta fuqarolar uchun sayyor chuqurlashtirilgan bepul tibbiy ko‘riklar ham tashkil etilib, aholining salomatligini o‘z vaqtida aniqlash va davolash choralarini ko‘rishga alohida e’tibor qaratildi. Mazkur tadbirlar aholi salomatligini mustahkamlash, kasalliklarning oldini olish va sog‘lom turmush tarzini targ‘ib etishda muhim ahamiyat kasb etmoqda.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Har bir xonadon daromadli bo‘lishi kerak

Denov tumanida “Kambag‘allikdan farovonlik sari” dasturi doirasida aholi bandligini...

Murosa va muloqot — oilaviy barqarorlik omili

Oiladagi kelishmovchiliklarni o‘z vaqtida aniqlash va ularni bartaraf etish,...

Tabiatga e’tibor — amaliy tashabbuslarda

Atrof-muhitni asrash va ekologik madaniyatni yuksaltirish faqat targ‘ibot bilan...

Yashil hududlar kengaytirilmoqda

Yo‘l infratuzilmasini obodonlashtirish bilan birga, uning atrofida yashil hududlarni...
KunTun
KunTun