Prezidentimizning tegishli qarorlariga muvofiq, aholini arzon va sifatli uy-joy bilan ta’minlash maqsadida yurtimizning barcha hududlarida, jumladan, Surxondaryo viloyatining beshta tumanida to‘liq infratuzilmaga ega “Yangi O‘zbekiston” massivlari barpo etilmoqda. Endi mazkur loyiha Denov tumanida ham amalga oshirilishi rejalashtirilgan.
Viloyat hokimi Ulug‘bek Qosimov Denov tumanida “Yangi O‘zbekiston” massivi qurilishi uchun tanlab olingan hududda 22,5 gektar maydonda ishlab chiqilgan loyihalar taqdimoti bilan tanishdi. Taqdimot davomida mutasaddilarga hudud salohiyatidan kelib chiqib, loyihalarni zarur infratuzilma bilan uyg‘unlashtirish, shuningdek, ijtimoiy, tadbirkorlik va boshqa obyektlarni qamrab olish bo‘yicha tegishli tavsiya va ko‘rsatmalar berildi.
