Aholiga sifatli tibbiy xizmat ko‘rsatish va ehtiyojmand fuqarolarni bepul dori vositalari bilan ta’minlash masalalari deputatlik nazoratida.
Shu maqsadda Termiz shahar Kengashi 4-“Bo‘ston” saylov okrugi deputati G. Abramatova hamda Kengash kotibiyati bosh mutaxassisi A. Temirov tomonidan 2-sonli oilaviy poliklinikada nazorat-tahlil tadbiri o‘tkazildi.
O‘rganishda bepul dori vositalarining mavjudligi, saqlanishi va elektron retsept asosida fuqarolarga yetkazilishi, shuningdek, shifokorlar qabuli hamda tibbiy xizmat sifati ko‘zdan kechirildi.
Yakunida aniqlangan masalalarni bartaraf etish, dori vositalari zaxirasini muntazam yangilash va tibbiy xizmat sifatini oshirish yuzasidan mas’ullarga tegishli tavsiya va ko‘rsatmalar berildi.
