Termiz shahridagi “Amudaryo” oromgohi va “Guliston” MFY hududida “World Cleanup Day” — Butunjahon tozalik kuni munosabati bilan “Hayot uchun joy ajrating!” shiori ostida ommaviy plogging eko-aksiyasi o‘tkazildi.
Unda ekologlar, yoshlar, jamoat faollari, tashkilot va muassasalar ko‘ngillilari hamda Ekopartiya vakillari ishtirok etdi.Ishtirokchilar hududni chiqindilardan tozalab, obodonlashtirish va atrof-muhit musaffoligini ta’minlashga hissa qo‘shdilar.
Ekoaksiya davomida hududning sanitariya va ekologik holatini yaxshilash bo‘yicha amaliy ishlar amalga oshirildi.
