Pedagoglarning ijtimoiy qo‘llab-quvvatlanishini kuchaytirish maqsadida ularning farzandlari uchun oliy ta’lim olish imkoniyatlarini kengaytiruvchi yangi imtiyoz joriy etilmoqda.
2026/2027-o‘quv yilidan boshlab davlat OTMlarining kunduzgi bakalavriatida tahsil olayotgan pedagoglar farzandlarining to‘lov-kontrakt summasiga 30 foiz chegirma beriladi.
Chegirma har bir farzand uchun alohida qo‘llanadi. Uni olish uchun kontrakt.edu.uz orqali ariza yuborish kifoya. Ariza 2 ish kunida ko‘rib chiqiladi.
Mazkur imtiyoz nodavlat, xorijiy va harbiy OTMlar, shuningdek, kechki, masofaviy, sirtqi hamda tabaqalashtirilgan kontraktlarga tatbiq etilmaydi.
Chegirma har bir o‘quv yili uchun bir marotaba qo‘llanadi va pedagog maqomi saqlanib qolgan taqdirda keyingi yillarda ham beriladi.
