Termiz davlat universiteti talabalar turar joyida navbatdagi “Yoshlar oqshomi” konsert dasturi bo‘lib o‘tdi. Tadbirga mehmon sifatida taniqli so‘z ustasi, qiziqchi va xonanda, vohadoshimiz Olim O‘rozov (Olim aka) tashrif buyurdi.
Dastur davomida mehmonning san’at haqidagi hayotiy qarashlari, improvizatsiyali chiqishlari va jonli ijrolari talabalarni yanada ruhlantirdi. Olim akaning sahnadagi samimiyligi, o‘ziga xos hazil-mutoyibalari va badiiy mahorati yoshlarga iliq kayfiyat ulashdi. Ustoz ijodkorning serqirra faoliyati bilan yaqindan tanishgan talabalar bu uchrashuvni san’atning go‘zalligi, ijodiy ilhom va unutilmas taassurotlarga boy kecha sifatida eslab qoladilar.
