Germaniyaning Xalqaro hamkorlik jamiyati (GIZ) tomonidan amalga oshirilayotgan “Oʻzbekistondagi afgʻonlarni jalb etgan holda Termiz shahrida tibbiy taʼlim va malaka oshirish dasturlarini modernizatsiya qilish” loyihasi amalga oshirilmoqda. Loyiha doirasida “Akusherlikda simulyatsion taʼlim” mavzusida trening tashkil etildi.
Viloyatimizdagi akusherlik bo‘yicha yetakchi o‘qituvchilar uchun bo‘lib o‘tgan 72 soatlik trening mashg‘ulotlarni murabbiylar Ludwigshafen biznes va jamiyat universiteti Akusherlik professori, PhD Mixaela Mishel-Shuldt hamda Rejalashtirish mutaxassisi, Iqtisodiy va ijtimoiy rivojlanish bo‘limi vakili Ina Hammesfahrlr o‘tdilar.
Zamonaviy simulyatsion usullar orqali akusherlik sohasidagi malaka va ko‘nikmalarni oshirish, pedagogik tajribani boyitish va tibbiy taʼlimni modernizatsiya qilishni maqsad qilgan trening har jihatda soha vakillari uchun foydali va qiziqarli bo‘ldi.
