Sho‘rchi tumanida yosh kelin-kuyovlarni oilaviy hayotga tayyorlash, oilalarda sog‘lom ma’naviy-psixologik muhitni shakllantirish hamda ajrimlarning oldini olish maqsadida «Baxt ostonasi: Mustahkam oilaning oltin qoidalari» mavzusida o‘quv seminari o‘tkazildi.
Seminarda oilaviy hayot mas’uliyati, er-xotin o‘rtasidagi o‘zaro hurmat, mehr-muhabbat, ishonch va sabr-toqatning ahamiyati haqida suhbatlar tashkil etildi.
Hayotiy misollar va amaliy mashg‘ulotlar orqali oilaviy kelishmovchiliklarni tinch yo‘l bilan hal etish, bir-birini tushunish, muammolarga hamjihatlikda yechim topish hamda farzand tarbiyasida ota-onaning mas’uliyati kabi masalalarga alohida e’tibor qaratildi.
Ishtirokchilar o‘zlarini qiziqtirgan savollarga javob olib, mustahkam oilaviy munosabatlarni shakllantirishga doir bilim va ko‘nikmalarini oshirdilar.
Tadbir yakunida o‘quv dasturini muvaffaqiyatli tamomlagan yosh kelin-kuyovlarga maxsus sertifikatlar topshirildi.
Mustahkam oila — o‘zaro hurmat, ishonch va hamjihatlikka asoslanadi. Oilaviy qadriyatlarni asrash va yoshlarni oilaviy hayotga tayyorlash jamiyat farovonligi yo‘lidagi muhim qadamlardandir.
