“Bir haftada bir asar”

Kitob o‘qishning foydasini bilganlar hech bo‘lmaganda bir haftada bitta bo‘lsa ham kitob o‘qiydi. Bordi-yu atrofdagi do‘stlaringiz bilan bir xil asarni o‘qigan bo‘lsangiz, taassurotlaringiz bilan qizg‘in bahs-munozaraga kirishib ketasiz.
“O‘zbekiston – kitobxonlar yurti” shiori ostida o‘tkazilayotgan V respublika “Kitobxonlik haftaligi” doirasida Termiz davlat universitetida adabiy-ma’rifiy tadbir bo‘lib o‘tdi. “Bir haftada bir asar tahlili” loyihasida yozuvchi Abdulla Qodiriyning “Mehrobdan chayon” asari tahlil qilindi.
Tadbirda faol ishtirok etgan talabalar asar syujeti, obrazlar olami va yozuvchi badiiy mahorati haqida fikr almashdilar. Tadbir so‘ngida eng faol ishtirokchilar faxriy yorliq va badiiy kitoblar to‘plami bilan taqdirlandi.