Bobotog‘da pistachilik va kovrakchilik rivojlanmoqda

Uzun tumanining Bobotog‘ massivida pistachilik va kovrakchilik yo‘nalishida amalga oshirilayotgan ishlar yuzasidan jurnalistlar va blogerlar uchun press-tur tashkil etildi. Tadbir davomida ishtirokchilar ekin maydonlarini ko‘zdan kechirishdi, agrotexnik tadbirlar bilan yaqindan tanishishdi.
Hududda ekologik toza va eksportbop mahsulotlar yetishtirishga alohida e’tibor qaratilayotgani ta’kidlandi. Ushbu tashabbuslar tumanda agrar sohani rivojlantirish, yangi ish o‘rinlarini yaratish hamda aholi daromadlarini oshirishga xizmat qilishi aniq.