Topshiriqlar ijrosi sust

Viloyat hokimi hududlarda investitsiyalarni jalb etish, tadbirkorlikni rivojlantirish, ishlab chiqarish hajmini oshirish va yangi ish o‘rinlarini yaratish vazifalari ijrosini o‘rganish Maqsadida Uzun tumanida bo’ldi. Tumandagi “Malandiyon” mahallasida joylashgan 2-sonli politexnikumda qandolatchilik klasterini tashkil etish loyihasining borishi ko‘rib chiqildi. Loyiha ijrosining sust ketayotgani tanqid qilinib, uning ishga tushirilishi yoshlar va xotin-qizlar uchun yangi ish o‘rinlari yaratilishiga xizmat qilishi ta’kidlandi. Mutasaddilarga loyihani qisqa muddatda ishga tushirish topshirig‘i berildi.
Shuningdek, “Xayat Medikal” xorijiy kompaniyasi tomonidan xususiy klinika qurilishi, “Osiyo Gold Mebel” korxonasining savdo markazi faoliyatini kengaytirish loyihalari taqdimoti ham o‘tkazildi. Shu bilan birga, “Bexruz Mebel” korxonasining mebel mahsulotlari ishlab chiqarish va eksport qilish faoliyati bilan ham tanishildi. Tadbirkorlarni qo‘llab-quvvatlash va ularning muammolarini hal etish bo‘yicha aniq chora-tadbirlar belgilab olindi.
Yakunida Denov tumanidagi “Buyuk kelajak” mahallasida aholi bilan ochiq muloqot o‘tkazildi. Massivda mavjud infratuzilma muammolari o‘rganilib, ularni bartaraf etish bo‘yicha mas’ullarga tegishli vazifalar yuklatildi.