415 nafar sportchi tibbiy ko‘rikdan o‘tkazildi

Paralimpiyachi yosh sportchilarni nogironlik darajasi bo‘yicha belgilangan minimal talabga mosligi va mavjud nuqsoniga ko‘ra, sport klasslariga ajratish jarayoni davom etmoqda. Paralimpiya terma jamoasi bosh shifokori, Xalqaro toifadagi klassifikator Nodirjon Tursunov o‘z jamoasi bilan kuni kecha Surxondaryo viloyatiga tashrif buyurdi.
2 kun davomida Termiz Olimpiya va paralimpiya sport turlariga tayyorlash markazida viloyatdagi barcha para sportchilar tibbiy ko‘rikdan o‘tkaziladi.
Viloyatning barcha shahar va tumanlarida istiqomat qiluvchi nogironligi bo‘lgan shaxslar ro‘yxati adaptiv sportning barcha yo‘nalishlari bo‘yicha “Inson” ijtimoiy xizmatlar markazlari tomonidan shakllantirilib, 415 nafar sportchi tibbiy ko‘rikdan o‘tkazildi.