Surxondaryo viloyati Ekologiya, atrof-muhitni muhofaza qilish va iqlim o‘zgarishi boshqarmasi hamda viloyat Yoshlar ishlari agentligi boshqarmasi tashabbusi bilan “Ekologiya bilimdonlari” ko‘rik-tanlovi o‘tkazildi.
Tanlovda Termiz muhandislik va agrotexnologiyalar instituti talabalari ishtirokidagi “Agroziyo” va “Ekologlar” jamoalari 4 shart asosida o‘z bilim va iqtidorlarini namoyish etdilar:
Tanlov doirasida yoshlarning ekologik va huquqiy savodxonligini oshirish, ularni atrof-muhit muhofazasiga daxldorlik hissi bilan tarbiyalash hamda “Yashil taraqqiyot” g‘oyalarini keng targ‘ib qilish maqsad qilingan. “Bu bizning eko-faoliyat” deb nomlangan ilk shartda jamoalarning sahnadagi ekologik fidoyiligi namoyon bo‘ldi. Ekologik targ‘ibot sahna ko‘rinishlari, she’riy chiqishlar va musiqali ijrolar orqali namoyish etildi.
Ikkinchi shartda “Muammolar daraxti”da jamoalar real ekologik vaziyatlarga amaliy yondashuvlarini namoyon etdilar. Hakamlar hay’ati tomonidan taqdim etilgan muammoli holatlarga jamoalar “daraxt” konsepsiyasi asosida tizimli, mantiqiy va ijodiy yechimlar taklif qilishdi. Qisqa vaqt ichida samarali fikr yuritish va jamoaviy ishlash bo‘yicha katta salohiyat ko‘rsatildi. Bu shart yoshlarning ekologik fikrlash salohiyati va tashabbuskorligining yorqin ifodasi bo‘ldi.
