Termiz – eng qadimiy shahar bo‘lib, 2 500 yillik tarixga ega. Sivilizatsiyalar chorrahasi bo‘lgan Eski Termiz hududida ilk buddizm o‘choqlaridan hisoblangan “Qoratepa” va “Fayoztepa” yodgorliklari joylashgan bo‘lib, minglab sayyohlarni, xususan, Sharqiy Osiyo davlatlaridan tashrif buyuruvchilarni qabul qiladi.
Viloyat hokimi Ulug‘bek Qosimov hududlarda amalga oshirilayotgan obodonlashtirish ishlari bilan tanishuvidan so‘ng, Termiz tumanidagi “Fayoztepa” yodgorlik majmuasiga tashrif buyurib, ilgari berilgan vazifalar ijrosini o‘rgandi. Xususan, hududni obodonlashtirish, muhofazaga olish ishlari hamda tashrif buyuruvchilar uchun yaratilgan sharoitlar ko‘rib chiqildi.
Majmuaning tarixiy qiyofasiga zarar yetkazmagan holda uni obod maskanga aylantirish bo‘yicha amaliy ishlar davom ettirilishi ta’kidlandi.
