Favqulodda vaziyatlarning oldini olish va ularni bartaraf etish boʻyicha Hukumat komissiyasining 2024-yildagi faoliyat tahlili va 2025-yil uchun ish rejasi asosida aholi va hududlarni favqulodda vaziyatlardan muhofaza qilish boʻyicha mavjud muammolarni bartaraf etish hamda favqulodda vaziyatlarning oldini olish, shuningdek, Favqulodda vaziyatlar vazirining 2025-yil 3-mart 73-sonli burugʻiga asosan, 15-martdan 15-aprel kuniga qadar “Favqulodda vaziyatlarni oldini olish va fuqaro muhofazasi oyligi” etib belgilangan.
15-martdan “Favqulodda vaziyatlarni oldini olish va fuqaro muhofazasi oyligi” doirasida bir qator tadbirlar amalga oshirilmoqda. Viloyat Favqulodda vaziyatlar boshqarmasi Yongʻin-qutqaruv otryadi hamda Termiz tuman Favqulodda vaziyatlar boʻlimi harbiy xizmatchi va xizmatchilari tomonidan Termiz tumanida joylashgan harbiy qismda “Jasorat maktabi” tarbiyalanuvchilariga targʻibot-tashviqot va o’quv seminari oʻtkazildi.
Seminar qiziqarli va foydali maʼlumotlarga boy oʻtdi. Soha xodimlari favqulodda holatlarda ogʻishmay, hayajonga berilmay, qanday chora koʻrishlari, harakatlanish lozimligini amaliy harakatlar bilan koʻrsatib berdilar.
