Ijtimoiy xodim xalq xizmatida

Bugungi kunda mahallaning bir bo‘lagiga aylangan ijtimoiy xodimlar fuqarolarning ijtimoiylashuvi, farovon hayot kechirishi yo‘lida kamarbasta bo‘lib xizmat qilmoqda. Manzilli ijtimoiy xizmat va yordam turlari viloyat markazidan 230 kilometr uzoqlikdagi olis tog‘li qishloqlargacha kirib bormoqda.
Sariosiyo tumani “Inson” ijtimoiy xizmatlar markazining mahallada kompleks xizmat ko‘rsatuvchi ijtimoiy xodimi Saidkamol Rakhimov o‘ziga biriktirilgan hududdagi 15 nafar fuqaroning jamiyatda o‘z o‘rnini topishiga ko‘maklashdi. Xuddi shunday Saidkamol Rahimov kabi mahallalardagi ijtimoiy xodimlar o‘z hududida qiynalgan insonlarga har taraflama yordam ko‘rsatib, ularning ijtimoiylashuvini ta’minlashga alohida e’tibor qaratmoqda. Oiladagi bir kishining mushkulini yengillatish, hayotda duch kelgan muammosini yechish bilan butun oilaga quvonch bag‘ishlashayotir. Munosib qoʻllovdan esa odamlarning kelajakka boʻlgan ishonchi oshyapti.