Ushbu savol o‘rtaga tashlanganda o‘ylab qolishimiz aniq. Ish, uy yumushlari, televizor tomoshasi, oila davrasida, bolalar bilan dars tayyorlash, mutolaa hamda telefon uchun kun davomida qancha vaqt sarflashimizni hisoblaydigan bo‘lsak, asosiy vaqtimizni telefon, internet, ijtimoiy tarmoqlar egallashi oydinlashadi. Xo‘sh, bu nechog‘lik to‘g‘ri?
Tadqiqotlar ham 2024-yilda odamlar 2,5 oy vaqtini smartfonga sarflaganini isbotlab turgani bu haqiqatni rad etib bo‘lmasligini ko‘rsatadi. O‘rtacha hisobda inson har besh daqiqada telefonini qo‘lga oladi. Tadqiqot natijalariga ko‘ra, odamlar gadjetlariga tobora ko‘proq qaram bo‘lmoqda.
