Kubok uchun kurash davom etmoqda

Sportning muaytay turida mahorat ila jang qilganlarni kinolarda koʻrib qoyil qolganmiz. Haqiqatan ham oʻzlarini qushdek yengil his qilayotgan jangchining qoyilmaqom jang usuli eʼtiborni tortishi aniq. Ayni jang sahnalari koʻplab yoshlarni muaytayni oʻrganishga ishtiyoqini oshirgan boʻlsa, ajab emas.Termiz shahrida sportning muaytay turi boʻyicha yoshlar hamda oʻsmirlar oʻrtasida boʻlib oʻtayotgan Oʻzbekiston kubogi ham muaytayni oʻrgangan sportchi yoshlarni bir nuqtaga jam etdi.Bellashuvga mamlakatimiz hududlaridan saralangan 500 nafarga yaqin oʻgʻil-qizlar ishtirok etayotir. Aytish kerakki, jarayonlarni kuzatish tomoshabinlarni kinolardagidan kam taʼsirlantirayotgani yoʻq.